لاتقتل الحب ! جديد طلال بن فضل

لقلوبكم وذائقتكم هـ المصافحه العَذبَه





لاتقتل الحب وتقول البلا منك

ولاتطري الشوق دامك صرت ناسيني


ولاتنهي احلام جاتك صدق لكنك

اخذت منها ضياها واظلمت عيني


تبعت ظنك وتدري ماصدق ظنك

ورسمت دربك سراب براحة ايديني


واوهمتني فيك يومنه ضحك سنك

ماشفت فرق السنين وضاعت سنيني


ياليت فكرت ف شعوري مدام انك

نويت تنهي علاقه بينك وبيني


وشلون تجرح مشاعر صدق حبنك
وو
شلون تبني لي احلامي وتنهيني


ووشلون تجبر احاسيك يخلنك

وشلون تقوى البعاد وانت شاريني


ووشلون انساك مثلك وابتعد عنك

وارسم طريقن على النسيان يدنيني


حبيت فيك الثلاث اللي يبكنك

وكرهت فيك الثلاث اللي تبكيني


حبيت شعرن كتبته فيك يومنك

غلاك بالدم يمشي مع شراييني


وحبيت صوتك اذا ناديت واوحنّك

مسامعي وانت ماودك تناديني


وحبيت اهات انفاسك اذا جنك

والكل منهن على آهي توديني


وكرهت فيك الخفايا قبل يخفنك

حسيت فيهن ولااعرف وينهن فيني


وكرهت فيك الاماني يوم ودنك

على طريقن مَ قد مشيته رجليني


وكرهت فيك الظنون اللي يلدنك

عني وانا الشوق يمك مايخليني


لكن مدامك نويت البعد وأوصنك

مشاعرك!!*صدق قل للحب يرثيني


واحذر من ايام عمرك لايتوطنك

وطيتهن اقوى من خفوف البعاريني


ان اقبلن لك يجنّك ثم يعوفنك

وتصير مثلي ادور من يواسيني


اشكي من الوقت واسكت واشتكي*منك

واهز راسي واتمتم هو انا ويني



لـ طلال بن فضل