عاصمة عمري

اتركوني في براريـها سـنه

وبعثروني في شواطيها سنين


الصدر صدره وقلبي يسكنه

لعنبو جد الوله ويا الحنين


لا رفعت الصوت غنيت الحنه

وان سكت اسمع محبتها ونين


وان غفيت احلم بحظنه واحظنه

وان صحيت ابداء متاهات الأنين


عاصمة عمري وانا وسط اوطنه

خارطة دربي يا لبا كل زين


ان حكت كل الشوارع السنه

وان بكت دمعه على وجنة جنين


وان مشت تقسيم عود ودندنه

وان توقف مشيها تسمع رنين


ان شكت بركان ثاير وادخنه

وان هدت مسباح شعري في اليدين


من حكا فيها عسى الله يلعنه

ومن مدحها كلبينا خابرين


الصبايا تاجهم هي معدنه

فارقه بالحسن والمنطق رزين